फोनिज उपत्यका समन्वय समितिद्वारा सत्यनारायण बहादुर श्रेष्ठको योगदानबारे चर्चा

ललितपुर । नेपाल आदिवासी जनजाति पत्रकार महासंघ (फोनिज) उपत्यका समन्वय समितिले फोनिजको २७औँ स्थापना दिवसको अवसरमा नेपाल पत्रकार महासंघका संस्थापक अध्यक्ष सत्यनारायण बहादुर श्रेष्ठको पत्रकारिता क्षेत्रप्रतिको योगदानबारे अन्तरक्रिया तथा छलफल कार्यक्रम आयोजना गरेको छ ।

ललितपुर उद्योग वाणिज्य संघ, मंगलबजार, पाटनमा आयोजित कार्यक्रममा वक्ताहरूले नेपाली पत्रकारिताको संस्थागत विकास, पत्रकारहरूको हकहितको संरक्षण तथा व्यावसायिक पत्रकारिताको आधार निर्माणमा सत्यनारायण बहादुर श्रेष्ठले पुर्‍याएको योगदान ऐतिहासिक र प्रेरणादायी रहेको बताए।