परराष्ट्रमन्त्री खनाल र मंगोलियाका पूर्वप्रधानमन्त्री जन्दानशातारबीच भेटवार्ता

नेपाल भ्रमणमा रहेका मंगोलियाका पूर्वप्रधानमन्त्री गोम्बोजभ जन्दानशातार र परराष्ट्रमन्त्री शिशिर खनालबीच सोमबार सिंहदरबारस्थित परराष्ट्र मन्त्रालयमा भेटवार्ता भएको छ।

भेटवार्ताका क्रममा नेपाल र मंगोलियाबीचको द्विपक्षीय सम्बन्ध, भूराजनीतिक समानता, विकास, व्यापार, साझेदारी तथा बौद्ध मूल्य-मान्यताका क्षेत्रमा सहकार्यका सम्भावनाबारे छलफल भएको छ।