ह्वाट्सएपको नयाँ फिचर : व्यवसायिक सन्देश अब मुख्य इनबक्सबाट अलग

काठमाडौं । ह्वाट्सएपले बैंक, एयरलाइन्सलगायत ठूला व्यवसायबाट आउने सन्देशलाई छुट्टै फोल्डरमा राख्ने नयाँ फिचरको परीक्षण गरिरहेको छ । व्यवसायिक सन्देशको अत्यधिक चापका कारण इनबक्स भरिँदा व्यक्तिगत तथा ग्रुप च्याट खोज्न कठिन हुने समस्या समाधान गर्न कम्पनीले यो सुविधा ल्याउन लागेको हो ।

नयाँ फिचरअन्तर्गत ठूला व्यवसायबाट आएका सन्देशहरू निश्चित समयपछि स्वत: अफर्स एन्ड अपडेट्स फोल्डरमा सारिनेछन् । ह्वाट्सएपले सन्देश सार्ने समय २४ घण्टाभित्र विभिन्न अन्तरालमा राखेर परीक्षण गरिरहेको जनाएको छ ।