मानिस मृत्यु होइन, पीडाबाट छुट्कारा चाहन्छ

‘श्वास रहेसम्म आश रहन्छ’ भन्ने लोकोक्ति नेपाली समाजमा निकै चर्चित छ । गहिरो अर्थ लुकेको यो पंक्तिले परिस्थितिसँग हार नमानी अघि बढ्नु नै मानव अस्तित्वको वास्तविक सौन्दर्य मान्दछ । यही सुन्दर पक्षलाई यो लोकोक्तिले पनि जीवन्त बनाइदिएको छ ।

जीवन छ र त सम्भावना छ । समस्या, जटिलता, दुःख, भय, रोग, शोक मात्रै होइन, जीवनमा खुसी, आनन्द पनि छ भन्ने कुराको तत्वबोध रहेसम्म मानिस अन्तिम क्षणसम्म संघर्ष गरेरै भएपनि बाँच्न चाहन्छ, बाँचिरहन्छ ।