बिहार उपचुनाव : भाजपालाई पछि पार्दै प्रशान्त किशोरको बलियो अग्रता

भारतमा विद्यार्थी आन्दोलनपछि भएका विधानसभा उपचुनावमा भाजपा पछाडि देखिएको छ। तीन सिटको मतगणना जारी रहँदा भाजपा एकमा मात्र अगाडि देखिएको छ।

बिहारको बाँकीपुर विधानसभा उपचुनावको मतगणनामा जनसुराज पार्टीका संस्थापक प्रशान्त किशोरले सुरुवादेखि नै स्थिर अग्रता कायम गरेका छन्। १८ औं चरणको मतगणना समाप्त हुँदा उनले आफ्ना भारतीय जनता पार्टी (भाजपा) प्रतिद्वन्द्वी नीरज कुमारलाई १० हजारभन्दा धेरै मतान्तरले पछि पारेका हुन्।