एक डेढ सातामै कोशीको गाँठो फुक्छ- शेरधन राई

नेकपा (एमाले) का सचिव एवम् कोशी प्रदेश इन्चार्ज शेरधन राईले कोशी प्रदेश सरकारको नेतृत्वबारे देखिएको अन्योल एक–डेढ साताभित्र टुंगिने बताएका छन्।

सोमबार विराटनगरस्थित पार्टी कार्यालयमा मुख्यमन्त्री हिक्मत कार्की, प्रदेश अध्यक्ष घनश्याम खतिवडा, संसदीय दलका उपनेता तिलकुमार मेन्याङ्बोलगायत प्रदेश सांसदहरूसँगको छलफल पछि सञ्चारकर्मीसँग कुरा गर्दै राईले सरकार नेतृत्वबारे बाँकी रहेको ‘सानो गाँठो चाँडै फुक्ने’ दाबी गरेका हुन्।