‘विद्यालयमा जबर्जस्ती कपाल काट्ने र सजाय दिने कार्य नगर्नु’

​काठमाडौँ । राष्ट्रिय बालअधिकार परिषद्‌ले विद्यालयहरूमा विद्यार्थीहरूको कपाल जबर्जस्ती नकाट्न अनुरोध गरेको छ । परिषद्ले एक सूचना जारी गर्दै विद्यार्थीको कपाल नकाट्न अनुरोध गरेको हो ।

यस्तो गैरकानुनी कार्य गर्नेलाई ५० हजार रुपैयाँसम्म जरिवाना र एक वर्षसम्म कैद सजाय हुने कानुनी व्यवस्था रहेको भन्दै परिषद्ले शिक्षा नियमावली अनुसार कुनै पनि अवस्थामा विद्यार्थीको शारीरिक तथा मनोवैज्ञानिक स्वास्थ्यमा नकारात्मक असर पार्ने गतिविधि गर्न नपाइने प्रस्ट पारेको छ।