मुग्लिन-नारायणगढ सडक दुईतर्फी नै सञ्चालनमा

काठमाडौँ- मुग्लिन–नारायणगढ सडक खण्डको सिमलतालमा माथिबाट झरेको लेदो र पहिरो हटाइएसँगै सडक पुनः सञ्चालनमा आएको छ।

सडक डिभिजन कार्यालय भरतपुरका अनुसार सोमबार बिहान माथिबाट झरेको लेदोका कारण सो सडक खण्ड अवरुद्ध बनेको थियो। सडक अवरुद्ध भए लगत्तै पहिले नै तैनाथ अवस्थामा राखिएका हेभी उपकरण र जनशक्ति परिचालन गरी बिहान १०ः५० बजे पहिरो पन्छाएर यातायात सञ्चालनमा ल्याइएको हो।