सुनचाँदी व्यवसायमा भ्रामक प्रचार नगर्न महासंघको कडा निर्देशन

काठमाडौं- नेपाल सुनचाँदी रत्न तथा आभूषण महासंघले सदस्य संघ तथा व्यवसायीलाई भ्रामक र अव्यावसायिक प्रचार–प्रसार नगर्न निर्देशन दिएको छ । महासंघले सोमबार परिपत्र जारी गर्दै ‘फ्री ज्याला’, ‘निःशुल्क मेकिङ चार्ज’, ‘अत्यधिक छुट’ लगायतका प्रचारले बजारमा अस्वस्थ प्रतिस्पर्धा सिर्जना गरेको भन्दै यस्ता गतिविधि तत्काल रोक्न आग्रह गरेको हो ।

महासंघका अनुसार वर्तमान आर्थिक मन्दी, सुनचाँदीको मूल्यमा उतारचढाव, कानुनी तथा नीतिगत जटिलता र कम तौलका गरगहनाको बढ्दो कारोबारजस्ता चुनौतीबीच व्यवसायीबीच अनुशासन, संयम र एकताको आवश्यकता झन् बढेको छ ।