शिक्षामन्त्री पोखरेल र मङ्गोलियाका पूर्वप्रधानमन्त्रीबीच भेटवार्ता

शिक्षा तथा खेलकुदमन्त्री सस्मित पोखरेलसँग मङ्गोलियाका पूर्वप्रधानमन्त्री एवं मङ्गोलियन चेस फेडेरेसनका अध्यक्ष गोम्बोजाभिन जान्दानशातारले आज भेटवार्ता गरेका छन् ।​

सिंहदरबारस्थित मन्त्रालयमा भएको भेटमा उनीहरूबीच नेपाल र मङ्गोलियाबीचको कूटनीतिक सम्बन्धको स्मरण गर्दै द्विपक्षीय सम्बन्ध, साझा हित तथा बहुआयामिक सहकार्यलाई अझ सुदृढ बनाउने विषयमा छलफल भएको थियो ।