पहिरो र बाढीले देशका विभिन्न राजमार्ग प्रभावित, कान्तिलोकपथ र अरनिको राजमार्ग पूर्णरूपमा अवरुद्ध

काठमाडौँ। अविरल वर्षासँगै आएको पहिरो र बाढीका कारण देशका विभिन्न राजमार्ग प्रभावित भएका छन्। नेपाल प्रहरीका अनुसार सोमबार बिहान ६ः३० बजेसम्म ललितपुरको कान्तिलोकपथ र सिन्धुपाल्चोकको अरनिको राजमार्ग पूर्ण रूपमा अवरुद्ध छन् भने केही सडक एकतर्फी सञ्चालनमा छन्।

ललितपुरको बागमती गाउँपालिका-३ पाङदुरमा पहिरो खस्दा कान्तिलोकपथ पूर्ण रूपमा बन्द भएको छ। सिन्धुपाल्चोकको भोटेकोशी गाउँपालिका-२ कोदारीमा पहिरोका कारण अरनिको राजमार्ग पनि पूर्ण रूपमा अवरुद्ध रहेको प्रहरीले जनाएको छ।