करारका चिकित्सकको दुःख: वैशाखीको सहारामा बिरामी जाँच्न पुगे, तलब भने काटियो

काठमाडौं– अस्पतालको ओपिडी सेवा कक्षमा एक जना चिकित्सक कुर्सीमा छन्। अर्को कुर्सीमा उनको प्लास्टर गरिएको खुट्टा छ भने तेस्रो कुर्सीमा बिरामी छन्। उपचारका लागि आएका बिरामी डाक्टरको प्लास्टर गरिएको खुट्टातिर हेर्दैछन् भने चिकित्सक प्रेस्क्रिप्सनमा औषधि लेख्दैछन्।

यो तस्बिरमा देखिएका चिकित्सक हुन्- इन्द्रायणी नगर अस्पतालका डा. गौरव पौडेल। डा. पौडेल शङ्खरापुर नगरपालिकाअन्तर्गत सञ्चालित इन्द्रायणी नगर अस्पतालका ९औँ तहका एमडीजीपी चिकित्सक हुन्। उनी त्यहाँ करार सेवामा कार्यरत छन्। उनी उक्त अस्पतालमा काम गर्न थालेको डेढ वर्ष भयो।