हर्कको प्रश्न : सरकारले रास्वपाका उद्धारकर्तालाई मात्रै रसुवा क्षेत्रमा जाने दिने नीति ल्याएको हो ?

श्रम संस्कृति पार्टीका अध्यक्ष हर्क साम्पाङले भोटेकोशी तथा रसुवा क्षेत्रमा आएको बाढीपछि उद्धार तथा राहतका समयमा समेत राजनीतिक विभेद गरिएको आरोप लगाएका छन्।

साम्पाङले आफ्ना पार्टीका श्रमदाताहरू उद्धारका लागि प्रभावित क्षेत्रमा जान खोज्दा सुरक्षाकर्मीले फर्काउने गरेको दाबी गर्दै यस्तो आरोप लगाएका हुन्। उनले सरकारले राष्ट्रिय स्वतन्त्र पार्टी (रास्वपा)का उद्धारकर्तालाई मात्रै प्रभावित क्षेत्रमा जान दिने नीति लिएको हो भन्दै प्रश्न समेत गरे।