कोशीमा मुख्यमन्त्रीवाट हिक्मतलाई हटाएर छाडिन्छः इन्चार्ज शेरधन

काठमाडौं । कोशी प्रदेशको मुख्यमन्त्री पदबाट हिक्मत कार्कीलाई हटाएर छाड्ने शेरधन राईको अभिव्यक्ति सार्वजनिक भएको छ । कोशी प्रदेश इन्चार्जसमेत रहेका राईले सिधै कार्कीलाई पदबाट हटाउने भनेका छैनन, पार्टी निर्णयअनुसार अघि बढ्ने भनेका छन् । पार्टी निर्णय भनेको अध्यक्ष केपी ओलीको चाहना हो । उनको चाहना कार्कीलाई पदबाट हटाएर मनोज म्याङ्बोलाई मुख्यमन्त्री बनाउने हो ।

सञ्चारकर्मीसँग कुरा गर्दै राईले कूटनीतिक ढंगले वर्तमान मुख्यमन्त्री हिक्मत कार्कीलाई नै निरन्तरता दिने वा नयाँ नेतृत्व चयन गर्ने भन्ने विषयमा अन्तिम निर्णय भई नसकेको बताए। उनले यो विषय पूर्ण रूपमा पार्टीको आन्तरिक निर्णयसँग सम्बन्धित रहेको स्पष्ट पारे।