भैंसीको मासुले बदल्न सक्छ नेपालको अर्थतन्त्र, चीनबाट आयो ३० अर्बको ऐतिहासिक लगानी

नेपालबाट प्रशोधित भैंसीको मासु चीन निर्यात गर्ने लक्ष्यसहित करिब ३० अर्ब रुपैयाँ बराबरका तीन ठूला उद्योग स्थापना हुने भएका छन्। सिन्धुली र मकवानपुरमा खुल्न लागेका यी उद्योगमार्फत वार्षिक करिब १ खर्ब ५० अर्ब रुपैयाँ बराबरको प्रशोधित भैंसीको मासु चीन निर्यात गर्ने लक्ष्य राखिएको छ।

तीनवटै उद्योग सञ्चालनमा आएपछि ७ हजारभन्दा बढीले प्रत्यक्ष रोजगारी पाउने अपेक्षा गरिएको छ। नेपाल–चीन व्यापार घाटा कम गर्न र कृषि तथा पशुपालन क्षेत्रमा नयाँ अवसर सिर्जना गर्न यी परियोजनालाई महत्वपूर्ण मानिएको छ।