गण्डकीमा गाँजा विधेयक प्रमाणीकरण

पोखरा । गण्डकी प्रदेशका प्रदेश प्रमुखले यसअघि फिर्ता पठाएको बहुचर्चित गाँजा विधेयक अन्ततः प्रमाणीकरण भएको छ ।

प्रदेश प्रमुख डिल्लीराज भट्टले सोमबार ‘नेपालको संविधानको धारा २०१ को उपधारा ४ बमोजिम ‘औषधीजन्य तथा औद्योगिक प्रयोजनको लागि गाँजा खेतीलाई नियमन र उपयोग गर्ने सम्बन्धमा व्यवस्था गर्न बनेको विधेयक’ प्रमाणीकरण गरेका हुन् । प्रदेश प्रमुखले विधेयक प्रमाणीकरण गरेसँगै अब गण्डकी प्रदेशमा औषधीजन्य र औद्योगिक प्रयोजनका लागि गाँजा खेती कानुनी रुपमै मान्यता पाएको छ ।