सामुदायिक वनका अध्यक्ष सचिवदेखि लेखापरिक्षकसमेत मिलेर  ३९ लाख रुपैयाँ भ्रष्टाचार, ११ जना अख्तियारको फन्दामा

सुर्खेतको चौकुने गाउँपालिका–१ स्थित मालिका सामुदायिक वन उपभोक्ता समूहमा काठ बिक्रीबाट गर्दा भ्रष्टाचार भएको छ । वन उपभोक्ता समुहमा आवद्ध पूर्व पदाधिकारी तथा लेखापरीक्षकसहित ११ जनाविरुद्ध विशेष अदालत काठमाडौंमा भ्रष्टाचार मुद्दा परेको छ ।

अख्तियार दुरुपयोग अनुसन्धान आयोगका अनुसार आर्थिक वर्ष २०७२/ ७३ देखि २०७६/७७ सम्म काठ बिक्रीबाट प्राप्त रकम झाडी सफाइ, अग्नि रेखा निर्माण, खरघाँस रोपण, वृक्षारोपण, वनहेरालुको तलब, भैँसी तथा बाख्रा पालन, डढेलो नियन्त्रण, मौरीघारलगायत शीर्षकमा नक्कली बिल तथा भरपाई तयार गरी खर्च देखाइएको पुष्टि गरेको छ ।