श्रमदानबाट साकेलाको अवरुद्ध सडक दुई दिनमै सञ्चालन

लगातारको वर्षापछि पहिरो र हिलोका कारण तीन दिनदेखि अवरुद्ध रहेको खोटाङको साकेला गाउँपालिका–१ हरेलोडाँडा–साप्सु खोला सडकखण्ड दुई दिनको सामूहिक श्रमदानपछि पुनः सञ्चालनमा आएको छ।

गाउँपालिका अध्यक्ष रविप्रकाश राईको नेतृत्वमा जनप्रतिनिधि, कर्मचारी, सुरक्षाकर्मी र स्थानीयवासीले श्रमदान गरी सडक मर्मत गरेका हुन्। मर्मत कार्यमा गाउँपालिकाको ब्याकहो लोडर, ट्याक्टरलगायत उपकरण तथा स्थानीयले निःशुल्क उपलब्ध गराएको ढुंगा, माटो र ग्राभेलसमेत प्रयोग गरिएको थियो।