कप्तानगञ्ज घटनामा न्यायिक छानबिन समिति गठन गर्न कांग्रेसको माग

नेपाली कांग्रेसले सुनसरीको कप्तानगञ्ज घटनाको निष्पक्ष छानबिनका लागि न्यायिक छानबिन समिति गठन गर्न सरकारसमक्ष प्रस्ताव गर्ने निर्णय गरेको छ। गृह मन्त्रालयले गठन गरेको छानबिन समितिबाट निष्पक्ष र प्रभावकारी अनुसन्धान हुन नसक्ने निष्कर्ष निकाल्दै कांग्रेसले संसदमार्फत सरकारमाथि दबाब बढाउने रणनीति अघि सारेको हो।

सोमबार सिंहदरबारमा बसेको नेपाली कांग्रेस संसदीय दलको बैठकले उक्त निर्णय गरेको हो। बैठकपछि सञ्चारकर्मीसँग कुरा गर्दै कांग्रेसका महामन्त्री प्रदीप पौडेल ले कप्तानगञ्ज घटना गम्भीर प्रकृतिको भएकाले स्वतन्त्र र निष्पक्ष ढंगबाट न्यायिक छानबिन गरी सत्यतथ्य सार्वजनिक गर्नुपर्ने र दोषीलाई कानुनबमोजिम कारबाही गर्नुपर्ने बताए।