गण्डकी प्रदेश प्रमुखले फिर्ता गरेको गाँजा विधेयक हुबहु फेरि आएपछि प्रमाणीकरण

१८ साउन, पोखरा । गण्डकी प्रदेशमा औषधीजन्य तथा औद्योगिक प्रयोजनका लागि गाँजा खेतीलाई नियमन र उपयोग गर्ने सम्बन्धमा व्यवस्था गर्न बनेको विधेयक अन्ततः प्रमाणीकरण भएको छ ।

गण्डकी प्रदेश सभाले पारेर पठाएको उक्त विधेयक संघीय कानुनसँग बाझिएको भन्दै प्रदेश प्रमुख डिल्लीराज भट्टले फिर्ता गरेका थिए । संसदले नै परिमार्जन नगरी हुबहु पारित गरेर पुनः पठाएपछि प्रदेश प्रमुखबाट सोमबार यसलाई प्रमाणीकरण गरिएको हो ।