प्रचण्ड भन्छन्: सरकार विपन्न नागरिकविरुद्ध गयो, बाम एकता आवश्यक भयो

पूर्वप्रधानमन्त्री तथा नेपाल कम्युनिष्ट पार्टी (नेकपा)का संयोजक पुष्पकमल दाहालले सरकारका गतिविधि विपन्न नागरिक र राष्ट्रिय स्वाधीनताविरुद्ध उन्मुख रहेको आरोप लगाउँदै त्यसको प्रतिरोधका लागि वामपन्थी शक्तिबीच कार्यगत सहकार्य आवश्यक रहेको बताएका छन्।

सोमबार काठमाडौंमा आयोजित २४औँ बोत्ले स्मृति दिवस कार्यक्रममा बोल्दै दाहालले वर्तमान राजनीतिक परिस्थितिमा साझा मुद्दामा वामपन्थी शक्तिहरूबीच सहकार्य अपरिहार्य भएको धारणा राखे।