भाेटेकाेशी बाढी: समन्वय नहुँदा उद्धार-राहतमा समस्या

रसुवाको भोटेकोसीमा आएको विनाशकारी बाढीबाट प्रभावित पाँच जिल्लाका संकटग्रस्त क्षेत्रमा खोज, उद्धार र राहत वितरण कार्यलाई तीव्र पारिएको छ। तर संघीय र स्थानीय सरकारबिच समन्वयको अभावले राहत वितरणमा ढिलाइ भएको गुनासो आउन थालेको छ।

संकटग्रस्ट क्षेत्र घोषणा भएका १५ स्थानीय तहमध्ये रसुवा र नुवाकोटमा बढी क्षति पुगेको छ। संघ र स्थानीय तह आ–आफ्नै हिसाबले राहत र उद्धारमा लाग्दा दोहोरोपना देखिएको छ। साथै समय–स्रोतको बर्बादी र ढिलाइ पनि भएको छ।