खोटेहाङ गाउँपालिकाद्वारा उत्कृष्ट कृषक, विद्यार्थी, शिक्षक र कर्मचारीलगायत २७ पुरस्कृत

खोटाङ । खोटेहाङ गाउँपालिकाले उत्कृष्ट चार कृषक, चार विद्यार्थी, चार शिक्षक, तीन विद्यालय व्यवस्थापन समिति अध्यक्ष, चार विद्यालय, सात कर्मचारी र एक निर्माण उपभोक्ता समितिलाई नगदसहित पुरस्कृत गरेको छ ।

आइतबार पालिकाको सभाहलमा आयोजित सार्वजनिक सुनुवाइ कार्यक्रम समापनको अवसरमा उत्कृष्ट विद्यार्थी, उत्कृष्ट कार्यसम्पादन गर्ने कर्मचारी, कृषक तथा संस्थालाई पुरस्कृत गरेको हो । अन्नबाली उत्पादनमा वडा नम्बर–७ खोटाङबजारका तुलसीराम चौलागाईँ, फलफूल खेतीमा वडा नम्बर–४ बडकादियालेका सुरेश अछामी, नगदेबालीमा वडा नम्बर–८ सिम्पानीका सुवाश खड्का र पशुपालनमा वडा नम्बर–१ लिकुवापोखरीका दुर्गाबहादुर खड्का पुरस्कृत भएका छन् ।