रबिन्द्र ढाँटको ऐतिहासिक ‘रोड टु युएफसी’ यात्रा

कविरस शर्मा

चिसो तथ्याङ्क र भविष्यवाणीहरूले जहिले पनि मानिसको सीमा नाप्न खोज्छन्, तर जिद्दी र अथक संकल्प बोकेका योद्धाहरूले ती सबै गणितीय समीकरणहरूलाई लत्याएर आफ्‌नै रगत र पसिनाले नयाँ इतिहास लेख्छन् । नेपाली मिश्रित मार्शल आर्ट्स (एमएमए) का गौरवशाली नक्षत्र, ‘बझाङको बाघ’ उपनामले चिनिने रबिन्द्र ढाँट यतिबेला आफ्‌नो खेल जीवनको सबैभन्दा ठूलो र निर्णायक मोडमा उभिएका छन् । अगस्ट २८ का दिन चीनको सांघाई इन्डोर स्टेडियममा हुने ‘रोड टु युएफसी सिजन ५’ को बहुप्रतिक्षित ब्यान्टमवेट सेमिफाइनलमा जब रबिन्द्र केज (रिङ) मा पाइला टेक्नेछन्, तब त्यहाँ केवल दुई जना लडाकु मात्र भिडिरहेका हुनेछन । तर, खेलको पछाडि करोडौं नेपालीको अदृश्य आशा, राष्ट्रिय प्रतिष्ठा र एउटा असम्भव जस्तो लाग्ने सपनाको भारी बोकिएको हुनेछ ।