बाहिरबाट आएका सहायतामा 'जेनरेटरदेखि शव राख्ने थैलासम्म', नेपालको खाँचो कस्तो

विनाशकारी बाढीपछि खोज तथा उद्धार कार्य जारी रहेका बेला तत्काल खाँचो परेका चारपाँच किसिमका सहयोगका विषयमा अन्तर्राष्ट्रिय समुदायसँग समन्वय भइरहेको र तीमध्ये केही सहयोग प्राप्त भइसकेका तथा केही प्राप्त हुने क्रममा रहेका अधिकारीहरूले बताएका छन्।

"खोज तथा उद्धारका निम्ति 'टनल टीम', जीवित व्यक्तिहरू कतै फसेका भए त्यसको सङ्केत पत्ता लगाउने 'स्क्यानर', तत्काल 'डीएनए' विश्लेषण गर्न सक्ने 'फोरेन्सिक' प्रविधि तथा शव राख्ने 'फ्रीजर' र बेलिब्रिजहरूबारे सुरुकै दिनदेखि समन्वय गरेका हौँ," परराष्ट्र मन्त्रालयका प्रवक्ता लोकबहादुर पौडेल क्षेत्रीले भने।