अफगानिस्तानमा एक वर्षमा ४५ हजारभन्दा बढी लागूऔषध दुर्व्यसनीको उपचार

काठमाडाैँ । अफगानिस्तानमा गत एक वर्षमा लागूऔषधको लतमा परेका ४५ हजारभन्दा बढी व्यक्तिले उपचार पूरा गरी परिवारसँग पुनर्मिलन गरेको अफगान जनस्वास्थ्य मन्त्रालयले जनाएको छ।

लागूऔषध नियन्त्रण तथा जनचेतनासम्बन्धी एक कार्यक्रममा मन्त्रालयअन्तर्गतको राष्ट्रिय लागूऔषध लत उपचार कार्यक्रमका निर्देशक अल–हाफिज इनामुल्लाह अम्मरले ४५ हजारभन्दा बढी दुर्व्यसनीले उपचार सेवा प्राप्त गरेको जानकारी दिए । उहाँका अनुसार करिब तीन लाख व्यक्ति लागूऔषध दुरुपयोग रोकथामसम्बन्धी जनचेतनामूलक अभियानबाट लाभान्वित भएका छन्।