लाहुरे परिवारको दबिएको कथा खोल्दै पेन्सन पट्टा

बाबुको मृत्यु भएपछि पेन्सनपट्टा हेर्दा आमाको होइन, अर्कै महिलाको नाम भेटिन्छ। यही एउटा घटनाले वर्षौंदेखि परिवारको स्मृतिबाट हराइसकेकी जेठी आमाको खोजी सुरु गराउँछ। त्यसपछि खुल्दै जाने पारिवारिक सम्बन्ध, विगत र लाहुरे जीवनको सामाजिक प्रभावको कथा हो फिल्म पेन्सन पट्टा।

माओत्से गुरुङको निर्देशन तथा दयाहाङ राईको मुख्य अभिनय रहेको फिल्मको ट्रेलर हालै राजधानीमा आयोजित एक कार्यक्रमबीच सार्वजनिक गरिएको हो। सिटी सेन्टरस्थित बिग मुभिजमा सार्वजनिक ट्रेलरले पेन्सनको अधिकारस“ग जोडिएको एउटा प्रश्नले परिवारभित्र लुकेको पुरानो कथा कसरी बाहिर ल्याउँछ भन्ने देखाएको छ।