मध्यपूर्वमा लामो समय बिताएर घर फर्कंदै अमेरिकी युद्धपोत लिंकन

मध्यपूर्वमा लामो समय तैनाथी पूरा गरी घर फर्किरहेको अमेरिकी विमानवाहक यूएसएस अब्राहम लिंकन आइतबार सिंगापुर जलमार्ग हुँदै अघि बढेको छ।

उक्त युद्धपोत बन्दरगाह भ्रमणका लागि थाइल्यान्डमा रोकिने अपेक्षा गरिएको छ। अमेरिकी नौसेनाका ठूला युद्धपोतमध्ये एक लिंकनले इरानविरुद्धको अमेरिकी सैन्य अभियानलाई साथ दिइरहेको थियो। यसको पछिल्लो तैनाथीमा लगातार २५० दिनभन्दा बढी समुद्रमा बिताएको रेकर्ड बनेको थियो।