विद्यालयमा विद्यार्थीको कपाल जबर्जस्ती काट्न नपाइने, गरे कारबाही हुने

राष्ट्रिय बाल अधिकार परिषद्ले विद्यालयमा विद्यार्थीको इच्छाविपरीत जबर्जस्ती कपाल काट्ने वा कटाउने कार्य नगर्न सबै विद्यालयलाई आग्रह गरेको छ।

परिषद्ले विद्यालयमा विद्यार्थीको कपाल जबर्जस्ती काटिदिएको विषयमा पछिल्ला केही दिनदेखि उजुरी तथा जानकारी प्राप्त भइरहेको भन्दै यस्तो कार्य तत्काल रोक्न विद्यालय प्रशासन तथा व्यवस्थापन समितिलाई आग्रह गरेको हो।