‘आइ लिसन फर द साउन्ड अफ एसेज’ र ‘द बस टु बागबजार’ पुरस्कृत

काठमाडौँ। ‘समथिङ लाइक अ फिल्म फेस्टिभल’ (एसएलएफ) मा मिहिर प्याकुरेल निर्देशित ‘आइ लिसन फर द साउन्ड अफ एसेज’ र निशित थापाको ‘द बस टु बागबजार’ पुरस्कृत भएको छ। १२ असारदेखि चार दिनसम्म चलेको महोत्सवमा निर्देशक प्याकुरेलले उत्कृष्ट नवीन चलचित्र पुरस्कार र थापाले सर्वाधिक मनपराइएको फिल्म पुरस्कार प्राप्त गरेका हुन्।

सोमबार समापन भएको महोत्सवमा युवा र पहिलो पटक चलचित्र बनाएका निर्देशकहरुसहित विश्वभरिका ४० वटा चलचित्र प्रदर्शन भएका थिए। महोत्सवमा नेपालका तर्फबाट १३ वटा चलचित्र समावेश थिए।