मध्यरातमा गुण्डुमा ढले जेएन, ओलीले भने–...यहाँबाट उठाइहाल

नेकपा (एमाले) बागमती प्रदेश संसदीय दलका नेता जगन्नाथ थपलिया सोमबार मध्यरातमा अध्यक्ष केपी शर्मा ओलीनिवास गुण्डुमा ढलेको पाइएको छ । बागमती प्रदेश सरकार गठनका विषयमा थपलियासहित एमालेका बागमती प्रदेशका सांसदहरूलाई सामूहिक छलफल गर्न ओलीले बेलुका ७ बजे गुण्डु बोलाएका थिए ।

सरकार गठन गर्न नसकेको, संसदीय दललाई राम्रोसँग नचलाएको, जनतामा लोकप्रिय नभएको जस्ता आरोपहरू सांसदहरूले थपलियालाई ओलीको अगाडि लगाएका थिए । सांसदहरू बोल्न नपाउँदै ओलीले समेत थपलियालाई तारन्तार हप्काएका थिए । आफूमाथि अपमान भएको भन्दै थपलियाले ओली र सांसदहरूको प्रतिवाद गरिरहेका थिए ।