‘हिमचट्टान पहिरोबाट शृंखलाबद्ध विपद्’

गत साता भोटेकोसी र त्रिशूली नदीमा आएको विनाशकारी बाढी सामान्य वर्षाजन्य नभई ‘हिम–चट्टान पहिरो (आइस–रक एभालान्च)’ बाट उत्पन्न शृंखलाबद्ध विपद् भएको नेपाली वैज्ञानिक संलग्न एक अध्ययनले देखाएको छ।

नेपाल वातावरण समाज (एनइएस) ले बनाएको विज्ञ टोलीको अध्ययनअनुसार रसुवाको लाङटाङ–लिरुङ क्षेत्रको करिब पाँच हजार दुई सय मिटर उचाइबाट ठुलो मात्रामा हिउँ, चट्टान र गेग्रान खसेर ल्हेन्दे खोलामा प्रवेश गरेपछि त्यसले शक्तिशाली बाढीको रूप लिएको हो। अध्ययनले यो घटना हिमताल फुटेर नभएको निष्कर्ष निकालेको छ।