विद्यार्थीसँग दही-चिउरा खाँदै स्वतन्त्र नागरिक समाजले मनायो असार १५

सुन्दरहरैंचा (मोरङ) । मोरङको सुन्दरहरैंचा–६ स्थित गछिया आधारभूत विद्यालयमा राष्ट्रिय धान दिवस तथा दही-चिउरा खाने पर्वको अवसरमा विशेष कार्यक्रम सम्पन्न भएको छ। स्वतन्त्र नागरिक समाज सुन्दरहरैंचाको आयोजनामा विद्यालयका १५० भन्दा बढी विद्यार्थी तथा शिक्षक-शिक्षिकाहरूलाई संयुक्त रूपमा दही-चिउरा खुवाएर यो पर्व मनाइएको हो।

स्वतन्त्र नागरिक समाज मोरङका अध्यक्ष नेत्रप्रसाद चम्लागाईको अध्यक्षतामा सम्पन्न उक्त कार्यक्रममा स्थानीय जनप्रतिनिधि, समाजसेवी, बुद्धिजीवी, शिक्षक, विद्यार्थी तथा स्थानीयवासीको उल्लेखनीय उपस्थिति रहेको थियो।