अर्यालसहित पाँच जनालाई धरौटीमा रिहा गर्न विशेषको आदेश

काठमाडौँ। विशेष अदालतले राहदानी छपाइ प्रकरणमा पक्राउ परेका राहदानी विभागका महानिर्देशक तीर्थराज अर्याललगायत पाँच जनालाई धरौटीमा रिहा गर्न आदेश गरेको छ।

विशेष अदालतका न्यायाधीश नारायणप्रसाद पौडेल, हेमन्त रावल र उमेश कोइरालाको संयुक्त इजलासमा भएको थुनछेक बहसपछि उनीहरूलाई धरौटीमा रिहा गर्न आदेश दिएको हो। अदालतले राहदानी विभागका महानिर्देशक अर्याललाई पाँच लाख र निर्देशक सुनीलकुमार केसीलाई चार लाख रुपैयाँ धरौटीमा रिहा गर्न आदेश गरेको छ।