नेपालको पहिलो ओटीटी एप नेटटिभीले पायो आधिकारिक लाइसेन्स, मुभी, वेब सिरिज र लाइभ टिभी उपलब्ध

काठमाडौं । नेपालकै पहिलो ओटीटी एप नेटटिभीले सरकारबाट ओभर-द-टप (ओटीटी) प्रसारण सेवा सञ्चालनको आधिकारिक लाइसेन्स प्राप्त गरेको छ । सूचना तथा सञ्चार मन्त्रालय अन्तर्गतको सूचना तथा प्रसारण विभागले कम्पनीलाई यो इजाजतपत्र प्रदान गरेको हो ।

नेपालकै पहिलो आईपीटिभी सेवा प्रदायकका रूपमा रहेको नेटटिभीले सन् २०१७ मै आफ्नो ओटीटी एप सार्वजनिक गरेको थियो । लामो समयदेखि नेपाली दर्शकलाई इन्टरनेटमार्फत डिजिटल कन्टेन्ट पस्किँदै आएको कम्पनीले अब भने औपचारिक रूपमै सरकारी मापदण्ड पुरा गरी ओटीटी सञ्चालनको आधिकारिक लाइसेन्स हात पारेको हो ।