‘हिमाली सङ्कट गम्भीर भइसक्यो, पूर्वसूचनामा काम गर्नुपर्छ’

पछिल्ला केही वर्ष यता नेपालका हिमाली क्षेत्रहरूमा प्रकृतिले आफ्नो स्वरूप बदल्न थालेको छ । हिजोसम्म हामीले हिमाललाई केवल सौन्दर्यको प्रतीकका रूपमा हेर्थ्यौँ, तर आज ती हिमाल विभिन्न किसिमका प्राकृतिक विपदका स्रोत बन्दै गएका छन् ।

२०७८ सालको मेलम्ची बाढीदेखि २०८२ सम्म आइपुग्दा हामीले थुप्रै साना–ठुला हिमपहिरो, हिमआँधी र हिमताल विस्फोटका घटनाहरू भोगिसकेका छौँ । यी घटनाहरू केवल प्राकृतिक संयोगमात्र होइनन्, बरु जलवायु परिवर्तनले निम्त्याएको एउटा डरलाग्दो यथार्थ हुन् ।