भोटेकोसी बाढी : ३ हजार २९ जनाको उद्धार, १ हजार ५५८ जना अझै बेपत्ता

नुवाकोट — भोटेकोसी नदीमा आएको भीषण बाढीपछि रसुवा र नुवाकोटका विभिन्न स्थानमा अलपत्र परेका ३ हजार २९ जनाको उद्धार गरिएको छ। उद्धार गरिएकामध्ये २ हजार ७७६ नेपाली र २५३ जना विदेशी नागरिक रहेका छन्।

जिल्ला विपद् व्यवस्थापन समितिका संयोजक एवं प्रमुख जिल्ला अधिकारी शम्भुप्रसाद रेग्मीका अनुसार पछिल्लो २४ घण्टामै ६२४ जनालाई हेलिकोप्टरमार्फत सुरक्षित स्थानमा ल्याइएको हो।