जलवायु सङ्कट : हिमनदी र हिमपहिरोले लिँदैछ डरलाग्दो रूप

काठमाडौँ । नेपालको उत्तरी क्षितिजमा देखिने चाँदीजस्तै टल्किने हिमालहरू अब सौन्दर्यका प्रतीकमात्र रहेनन् । ती त तीव्र गतिमा घटिरहेका वातावरणीय दुर्घटनाका साक्षी र सम्भावित विस्फोटक धराप बनिरहेका छन् ।

२०८२ कात्तिक १७ गते दोलखाको गौरीशङ्कर गाउँपालिका–९ स्थित रोल्वालिङ हिमशृङ्खलाअन्तर्गत यलुङरी हिमालको आधार शिविरमा १५ जना विदेशी र स्वदेशी पथप्रदर्शकको समूह हिम पहिरोमा परे । जसका कारण ३ जनाको मृत्यु भयो ।