कान्तिपुर र पशुपति सहकारीका साना बचतकर्ताको बचत फिर्ता शुरू

काठमाडौँ । समस्याग्रस्त सहकारी व्यवस्थापन समितिले पछिल्लो पटक कान्तिपुर सेभिङ एन्ड क्रेडिट कोअपरेटिभ र पशुपति सेभिङ एन्ड क्रेडिट कोअपरेटिभ लिमिटेडका साना बचतकर्ताहरूको रकम फिर्ता गरेको छ।

समितले उपलब्ध गराएको विवरणअनुसार हालसम्म कान्तिपुर सेभिङ सहकारीका ३३४ जना र पशुपति सहकारीका ७ जना बचतकर्ताले आफ्नो बचत रकम फिर्ता पाइसकेका छन्। सरकारले समस्याग्रस्त सहकारीका ऋणीहरूबाट असुल उपर गरिएको रकमबाट नै पीडित बचतकर्ताहरूको निक्षेप फिर्ता गरिरहेको स्पष्ट पारेको छ।