सुनकोशीमा खसेको कार अझै भेटिएन

काठमाडौं । सिन्धुलीको फिक्कल गाउँपालिका–२ स्थित नवलपुरमा पर्ने मध्यपहाडी लोकमार्गबाट सुनकोशी नदीमा खसेको कार अझै भेटिएको छैन। कारमा सवार तीन जना बेपत्ता छन्।

सोमबार मध्यान्ह प्रदेश–३–०१–०२४ च ९५७३ नम्बरको कार सडकबाट करिब ५० मिटर तल सुनकोशी नदीमा खसेको थियो। काठमाडौंबाट ओखलढुंगा जाँदै गरेको बागमती प्रदेश–०८–००१ ख ०१४४ नम्बरको बसले कारलाई ठक्कर दिँदा कार नदीमा खसेको हो।