स्वास्थ्य क्षेत्रमा थपियो अनसन : इन्टर्न चिकित्सकका माग उठाउँदै डिल्ली हरिजन माइतीघर मण्डलामा आमरण अनसनमा

काठमाडौं — इन्टर्न चिकित्सकहरूको पारिश्रमिक र श्रमको सम्मानलगायतका माग कार्यान्वयन गर्न दबाब दिँदै इन्टर्न चिकित्सक डिल्ली हरिजन मंगलबारदेखि माइतीघर मण्डलामा आमरण अनसनमा बसेका छन्।

हरिजनले मंगलबार बिहान १०:२५ बजेदेखि आमरण अनसन सुरु गरेको जानकारी दिँदै यो निर्णय व्यक्तिगत स्वार्थ वा आवेगका कारण नभई चार महिनादेखि सम्बोधन हुन नसकेका न्यायोचित मागका कारण लिन बाध्य भएको बताएका छन्।