नेपाल टेलिकमको विशेष सहुलियत : पुरानो बक्यौता तिर्दा जरिवाना छुट, अटेर गरे कानुनी कारबाही

काठमाडौं । नेपाल टेलिकमले लामो समयदेखि बक्यौता महशुल नतिरेका ग्राहकलाई राहत दिने उद्देश्यले विशेष योजना सार्वजनिक गरेको छ । कम्पनीले आर्थिक वर्ष २०८०/८१ सम्मको दूरसञ्चार सेवा उपयोग गरेबापत बाँकी रहेको रकम निश्चित अवधिभित्र भुक्तानी गरेमा त्यसमा लाग्ने सम्पूर्ण जरिवाना मिनाहा गर्ने निर्णय गरेको हो ।

टेलिकमले जारी गरेको सूचनाअनुसार ग्राहकले २०८३ साल पुस मसान्तभित्र आफूलाई पायक पर्ने दूरसञ्चार कार्यालयमा पुगेर मूल बक्यौता रकम बुझाए जरिवाना तिर्नुपर्ने छैन । कम्पनीले यस व्यवस्थालाई पुराना बक्यौता फर्छ्योट गर्ने अवसरका रूपमा लिन ग्राहकलाई आग्रह गरेको छ ।