खु’कुरी लिएर सिंहदरबार छिर्छु भन्ने सुकुम्बासी पक्राउ

प्रहरीले कीर्तिपुरस्थित होल्डिङ सेन्टरमा बस्दै आएका सुकुम्बासी डम्बर बहादुर तामाङलाई पक्राउ गरेको छ। सामाजिक सञ्जालमा हिंसात्मक र धम्कीपूर्ण अभिव्यक्ति दिएको आरोपमा उनलाई नियन्त्रणमा लिइएको हो।

भोजपुरको अरुण गाउँपालिका घर भएका ३९ वर्षीय तामाङलाई सार्वजनिक शान्ति विरुद्धको कसुरमा अनुसन्धानका लागि नियन्त्रणमा लिइएको जिल्ला प्रहरी परिसर काठमाडौंका एसपी पवन भट्टराईले जानकारी दिए।