आधारहीन समाचारको खण्डन गर्दै प्रभु बैंकको आधिकारिक धारणा सार्वजनिक

बैंकका अनुसार कर्जा स्वीकृति, कर्मचारी व्यवस्थापन, आन्तरिक नियन्त्रण तथा जोखिम व्यवस्थापनका सम्पूर्ण प्रक्रिया नेपाल राष्ट्र बैंकको निर्देशन, प्रचलित कानुन तथा बैंकको आन्तरिक नीतिअनुसार सञ्चालन हुँदै आएका छन् । बैंकले नियामक निकायसँग पूर्ण सहकार्य गर्दै आवश्यक अनुसन्धान र परीक्षणमा सहयोग गरिरहेको पनि जनाएको छ ।

विज्ञप्तिमा केही व्यक्तिका विषयमा विभिन्न निकायबाट अनुसन्धान भइरहे पनि त्यसलाई आधार बनाएर बैंकको समग्र संस्थागत प्रणालीमाथि प्रश्न उठाउनु उचित नहुने उल्लेख गरिएको छ । बैंकले यस्ता विषयमा तथ्य र प्रमाणबिनै समाचार प्रकाशन तथा प्रसारण नगर्न सञ्चारमाध्यमलाई आग्रह गरेको छ ।