एन्फाको निलम्बन फुकुवा गर्ने सहमति

अखिल नेपाल फुटबल संघ (एन्फा)को निलम्बन फुकुवा हुने भएको छ । एन्फाका प्रवक्ता सुरेश साहका अनुसार, शिक्षा तथा खेलकुदमन्त्री सस्मित पोखरेलसँग एन्फाका पदाधिकारीको छलफलपछि निलम्बन फुकुवा गर्ने सहमति भएको हो ।

आफ्नो निर्देशन विपरीत ‘अर्ली इलेक्सन’मा गएको भन्दै गत चैत ११ गते राष्ट्रिय खेलकुद परिषद् (राखेप)ले एन्फाको वर्तमान कार्यसमितिलाई निलम्बन गरेको थियो ।