बाजुरामा खाद्यान्न अभाव अन्त्य गर्न महाप्रबन्धकलाई आपूर्ति मन्त्री यादवको निर्देशन

उद्योग, वाणिज्य तथा आपूर्ति मन्त्री गौरीकुमारी यादवले बाजुराका दुर्गम क्षेत्रमा बर्सेनि देखिँदै आएको खाद्यान्न अभाव अन्त्य गर्न खाद्य व्यवस्था तथा व्यापार कम्पनी लिमिटेडलाई तत्काल आवश्यक कदम चाल्न निर्देशन दिएकी छन्।

नेपाली कांग्रेसका तर्फबाट बाजुराका सांसद जनकराज गिरी र स्वामीकार्तिक खापर गाउँपालिकाका अध्यक्ष भरतबहादुर रोकायासहितको प्रतिनिधिमण्डलले मन्त्री यादवसँग भेट गरी जिल्लाको खाद्यान्न संकटबारे ध्यानाकर्षण गराएपछि मन्त्रीले कम्पनीका महाप्रबन्धकलाई मन्त्रालयमै बोलाएर निर्देशन दिएकी हुन्।