विश्वकपको पूर्वसन्ध्यामा क्यान्सस सिटीमा गोलीकाण्ड

काठमाडौं ।

फिफा विश्वकप २०२६ को भव्य उद्घाटन हुन केही दिन मात्र बाँकी रहँदा अमेरिकाको मिसौरी राज्यस्थित क्यान्सस सिटीमा भएको एक भीषण गोलीकाण्डले प्रतियोगिताको सुरक्षा व्यवस्थामाथि गम्भीर प्रश्नचिह्न खडा गरिदिएको छ । क्यान्सस सिटी प्रहरीका अनुसार स्थानीय समयअनुसार शनिबार बिहान करिब ४ बजे ट्रोस्ट एभिन्यू क्षेत्रमा अचानक गोली चलेको थियो, जसमा परेर कम्तीमा ९ जना घाइते भएका छन् । घाइतेहरूमध्ये तीन जनाको अस्पतालमा उपचार भइरहेको र सबैको अवस्था खतरामुक्त रहेको बताइए पनि हालसम्म प्रहरीले कुनै पनि संदिग्ध आक्रमणकारीलाई पक्राउ गर्न सकेको छैन, जसले स्थानीय स्तरमा त्रास र सुरक्षा चिन्ता थप बढाएको छ ।