रवीन्द्र मेहता निधन प्रकरण : सरकार र परिवारबिचको वार्ता सकारात्मक, शव परीक्षण गर्न सहमति

सरकार र मृतक रवीन्द्र मेहताका परिवारबिच भएको वार्ता सकारात्मक रूपमा अघि बढेको छ। गृहमन्त्री सुधन गुरुङको उपस्थितिमा आज शिक्षण अस्पताल महाराजगञ्जमा भएको छलफलमा सरकारतर्फबाट परिवारका माग पूरा गर्ने प्रतिबद्धता जनाइएको छ।

छलफलमा गृहमन्त्री गुरुङले घटनाप्रति दुःख व्यक्त गर्दै आवश्यक सहयोग र राहत दिन सरकार तयार रहेको बताए। वार्तामा सहभागी आफन्तले मृतकका बुबाआमासँग सल्लाह गरेर भोलि फेरि थप कुराकानी गर्ने बताएका छन्।