सांसद बस्नेतले सोधे : नागढुंगा सुरुङ मार्ग कहिलेदेखि  सञ्चालनमा आउँछ ?

काठमाडौँ । राष्ट्रियसभा सांसद गोपाल बस्नेतले नागढुङ्गा–सिस्नेखोला सुरुङ मार्गको निर्माण कार्य अन्तिम चरणमा पुगेको भन्दै खुसी व्यक्त गरेका छन् । राष्ट्रियसभा अन्तर्गतको सार्वजनिक नीति तथा प्रत्यायोजित विधायन समितिको बैठकमा बोल्दै उनले सुरुङ मार्ग सञ्चालनको तयारीमा पुग्नु देशका लागि राम्रो पक्ष भएको बताए ।

बैठकमा आयोजना प्रमुखसँग जिज्ञासा राख्दै बस्नेतले भने– ‘सुरुङ मार्ग झन्डै पूर्ण रूपमा सम्पन्न भइसकेको र सञ्चालनको अवस्थामा पुगेको देख्दा धेरै खुसी लागेको छ। मानिसहरू यो बाटोमा कहिलेदेखि गाडी लिएर हिँड्न पाउँछन् ? यसको अनुभव गर्न मानिसहरू आतुर छन्, त्यसैले सञ्चालनको प्रावधान के छ ?’