प्रदेशहरूलाई पूर्ण स्वायत्तता घोषणा गर्न माग गर्दै माईतीघरमा जनमत पार्टीको प्रदर्शन

काठमाडौँ । किसान आन्दोलन र मधेसका मुद्दा उठाउँदै आएको जनमत पार्टीले सङ्घीय राजधानी काठमाडौँको माइतीघरमा विशाल विरोध प्रदर्शन गरेको छ। देशका प्रदेशहरूलाई पूर्ण स्वायत्तता घोषणा गर्नुपर्ने र सिमान्तकृत समुदायको अधिकार सुनिश्चित गर्नुपर्ने लगायतका विभिन्न माग राख्दै जनमतका नेता तथा कार्यकर्ताहरू सोमबार सडकमा उत्रिएका हुन्।

प्रदर्शनका क्रममा सहभागीहरूले सङ्घीयताको वास्तविक कार्यान्वयन, बजेटमा मधेसको हिस्सा र रोजगारीको ग्यारेन्टी गर्न माग गर्दै सरकारविरुद्ध चर्को नाराबाजी गरे।